29-11-2009, 05:42 PM
|
رقم المشاركة : 1
|
|
(_ يــوم الـــفــــراق _)
ياما دعيتك من عذابي ولا جيت=واشقيت قلبن بالحنايا يونا
زرعت لك بالقلب وردن منابيت=واربع قصورن من وراها تبنا
واورثت قلبي هم من يوم صديت=ماقد فرح بك والهنا ما تهنا
و انا و قلبي و الجروح المناحيت=تبغا طيوفك و البلا ما يبنا
و ليا اجتمعنا جازن القرب تشتيت=وان ما بغيناهن مع الليل جنا
و اصبحت يا خلي تجيني على الليت=و اليوم انا جيتك على ماتمنا
بعلمك و شلون قدري ليا جيت=و بذوقك هجران قلبن تعنا
ماقد خبرت الماي يخلط مع الزيت=علمن وكاد وما به ايات ضنا
ما عاد باقي لك عقب فعلتك صيت=ولا عاد باقي لك قصورن تبنا
الي مفارق ينطوي داخل البيت=ومن زود همه يمكن انه يجنا
لكن خفوقي مبتسم يوم صديت=ويوم الفراق ازداد ضحكه وغنا
و اعرف تراني في فراقك تهنيت=و ارضيت قلبن في غرامك تعنا
من اول افرح بك ليا منك دقيت=و اليوم اضيق ليا سمعته يرنا
و ابشرك لا ضاق صدرك و ناديت=بتسمع صدى وحدتك يرجع يونا
مع السلامه و الليالي مباخيت=و ما كل نفسن تاصل الي تمنا
وســـــــــــــــلامــــتــــكم
التوقيع - فهد بن دواس |
من حبكم قلبي ترى وسطه احباط=كنه مكينة حب تصرف و تخلط
تعبت اسامح بك واصلح لك اغلاط=و المشكله ترجع بعدها وتغلط
|
|
|
|