تضك الضروف ويالله اني طلبتك يوم = علي ضاقت الدنيا من اقصا نواحيها
غريب الوطن ما نام ليله بدون حلوم = من الغيض يسهر .. حالته من يراعيها ؟
لحقني تعب والفكر مني غدى منجوم = وامد النظر للدار يمت ًحراويها
مع الخاطر الي لاطرى البعد .. زاااد اللوم = ولا غنت الورقا خفوقي يلاحيها
هذاه سابع ايام السفر والعلوم علوم = اعزم الهموم وصافي الدمع اعشيها
شعاني هطول الثلج عقب المطر وغيوم = وهاض العليل وعلته من يداويها ؟
ومن البارحه والنوم عيا يجيني نوم = تفيض العيون وتبتلش في طورايها
علي الي غرامه بالحشا ماخذن له روم = ملكني ونفسي سلمت له مباديها
لجا بي غرامه مثل مايلجي المهزوم = بعد ديرته ضاعت وشرُد اهاليها
بعد قال (( الـو )) ضاق النسم .. ماقدرت اقوم = هذاه ناتج الغربه وهاذي محاريها
يعاتب : يقول ارجع على الخاطر المحروم = ابي تقر عين الي غرامك معنيها
ويردد تعبت اضيف حق الامال رسوم = على شاني وباريس تكفا تخليها
ومع دمعته طاحت عزوم ورفعت عزوم = بغاليه حلفته ونفسي يكفيها
واداعب غلااه وينجلي ضيقه المزموم = واشيل القصايد لجل عينه واغنيها
طيوفه معي ومنين ما الد دقت زوم = وبيوت المشاعر تنحني لها مبانيها
عليه الجمال الي حضر مال غيره سوم = تدمر تواصيف العذارى ان طرى فيها
عليه الشعر وان حل طاريه قام يحوم = فداااه القصيد الي كتبت وقوافيها
على اقصى الحشا يقلط ويمرح بدون رسوم = تدفا بشراييني وتوسد محانيها
غرامه على وضح النقا والشرف مختوم = و على العز والطيبة كفوفه محنيها
دروب الرذاله مايجيها وعنه يشوم = مصون وعطوف وعفته مايوطيها
وعدني يحفظ السر .. وسره معي مكتوم = جميع العهود الي مضت له موفيها
حدتني ضروفي والسفر .. والوصل معدوم = ولا في يدي حيله ولا اقدر اعديها
احبه عسى ما صار فالبعد به مقسوم = عسى ساعة الفرقا تولي بطاريها
عزاي الفرح لحظات وان طال بك مايدوم = يومن ضاقت الدنيا من اقصى نواحيها
.
.
.
شعر \ محمد الشتلي