بعض مما تكدس ...
*
*
*
ردت علي دنيا الشقا بستداره = و قعدت اعاتب خاطري يوم اراقبْك
اخذت في عقم الاماني استماره = واليا انتهت تجديدها في معاتبْك
يا من كتم داري و يضوي لداره = عقب الغياب الي مضا كيف احاسبْك؟
جيٍتك مدري شوق ولا عياره = ولا من الي صابني منٌك صايبكْ
من بعد ضيق الليل طوّا ستاره = توه على صدري حبك سهرته حبْك
جيت و رحلت و لا نويت استخاره = من عقب ما قلبي سلا ويش جايبْك؟
يا من جزيت الي يحبك دماره = عينك لعيني مربكه وحدتي ربْك
جابك علي الله و كنها بشاره = في جيٍتك مزن و بروقه تصاحبْك
اشتاق لك شوقن مزونه غزاره = واحن لك و احن لـ اقرب قرايبْك
ان كان ما تقربك غير النعاره = انا العديم الي على الوصف يرهبْك
انا ولد منهو معسف مهاره = اليا وقف للحق بالفعل يعجبْك
ابوه قبله ما يخلي وجاره = الي بكرم يمناه يقضي بواجبْك
من قوم ماهي للمعادي تجاره = تثور ما عاشت على الذل والربْك
اما تروح و روحتك في جساره = ولا تجي و تشيل عني مضاربْك
على رجا سبرك قفتك الغباره = وان كان في موقف تصادف بك .. ابْك
الشك زايل ما نويت بقشاره = لا صار زادك شك و الخوف يشربْك
كانك تقدّر كل شخص و وقاره = وينك عن الي في حقوقه يطالبْك؟!
الكسر في رجلك على الله جباره = وانا على الله كسر قلبي سبايبْك
*
*
*
شعر / محمد الشتلي