ياصاحبـي لاعدمتـك لاتداريـنـي = مدام حظّـي معـاك أمقطـع كتآبـي
الحظ هو الـذي بالوصـل ملهينـي = بالموعد المنتظر ياقف علـى بابـي
كنه يقول انتظـر يامبتلـش فينـي = مايسلك الحظ الاقشر درب الاحبابـي
والا انت ياممتلك روحي ومشقينـي = كل هالشقى ولاطلبتك تدفـع اتعابـي
يكفي اصـارع دروبـي لاتحاتينـي = وليا تمكّنت منّك قلتلـي (مابـي) !!
اجيك واغيب وارجع واسألك وينـي = اقولها عنـك يالـي تجحـد غيابـي
قل اهتمامك يضّيـع اجمـل سنينـي = ودروبك المظلمـه بالهـم تزهابـي
اسري دروبـك وانـا ادري تعنّينـي = في كل خطوه صحيحه تقفل ابوابـي
ارضيك وانته ولا همـك تراضينـي = واعاتبك وانت ماتصبر على اعتابـي
تموت الاشواق وجروحـك تعزينـي = في لحظة الشوق دايم تحرق اعصابي
ماقول هذا الزمـان يـدور ويشينـي = اقول هذا حصل كلـه مـن اسبابـي
مـع كـل هـذا توكـل لاتحاتينـي = لقيت غيرك بعـد ماكنـت اولا بـي
اسمك كتبته بصفحة (غلطة سنيني)! = ورسمت حبه على اول سطر بكتابي