سلام يا اهل الطيب واهل المواجيب=روس الرجال الطيبين العواريف
اهل البداوه مكثرين التراحيب= يامكرمين المار و الجار والضيف
ياراكبين الخيل عصر المشاعيب= يومنها بالرمح والشلف والسيف
يا اهل الظفر ويا الكرم يا اهل الطيب= هذي فعايلهم على البر والسيف
واليوم انا يا حمود شفت التعاجيب= دنيا تقلب ماتجيلك على الكيف
شفت الاوادم دارج(ن)فيهم العيب= وقلت ارجال الطيب شرابت الكيف
وكثرا هل الموضات فتاحت الجيب= اللي بهم راع الوفا دايم يعييف
وقامو علينا ينفخون اللغابيب= حلاقت الشارب هل الجنز والزيف
لباست السلسال شبه الرعابيب= اللي ثناياها ثمان(ن) مراهيف
كنه خواته بالشكل والاساليب= انا ترا صادق ولا فيه تحريف
انا ابدوي مافي شك(ن)ولاريب= اعرف ابيوت الشعر تاتي مراديف
ودايم اليا كثرت علي المشاريب= اشرب زلال الماء ولا يشرب اضعيف
ضعف العزيمه مايوصف على الذيب= ولاهوب يرقى عاليات المشاريف
اعرف ترا القيفان دايم بترتيب= ولاني من اللي زيف القول تزييف
وختامها مني عسا قولي ايصيب= للي خذا سلم(ن) من الروس وجنيف
الموضه
( تقرير عن مشاركة مخالفة ) ، و الموجودة أسفل كل مشاركة .