|
بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
صبـــــاح & مســـــاء
الخير على الجميـــــع
قصيـــده جـــــديـده إسمحــوا لها بالعُبُـــــور
عل وعسى تحـــوز على رضــــاكم جميعــآ
,,, بحــــــــــــــــول الله ,,,
,,, صلوا على النبي ,,,
,,, وأقــــووول ,,,
&&&&&&&&&&&&&&&&
يا اللي عَطَشت من الظُّمَا طالب ٍ ميّ=إشرب قراح المـاي والبُعـد نايـل
باين عليك من التَّعَب داخِلِـك غـيّ=وأبنتظر ترتاح .. ما أبيـك مايـل
وهات السُّوالف جعل ما صابكم سـيّ=ما أبيك تسكت عَلّ ما فيـك هايـل
وقَّف يناظِرني وأنا حالتي هـيّ=ما غير أناظر بَه ولا هُـوب سايـل
وأدبَر وخلاني ولا قال لي شـيّ=وأثريه حلم ٍ .. مَرِّني فـي قوايـل
وفزيت من عقبه وفـي داخلـي ديّ=وأثريه قلبي داخـل ٍ فيـه صايـل
أثر الهوىَ يا ناس يلوي هَلَـه لـيّ=ويا كثر ما تلقىَ ضحايـا قتايـل
أنا بلاي اللي ذبحنـي وأنـا حـيّ=حاولت أبعد مير مـا مـن وسايـل
ترى أوَّل أيام الهوىَ ما بهـا كـيّ=وإليا دخلته رحت ضمن الحصايـل
وإن طعتني لامن غزاك الهوىَ عيّ=وإفتك من المجمـول راع الجدايـل
بعض العذارىَ قربهـا كلهـا ضـيّ=والبعض الآخر قصدهِـن للجزايـل
تضحك عليك تقول نوره وهي مـيّ=ولا يندرىَ وش عقبها مـن عمايـل
هذي تبي درهم وهذي تبـي شـيّ=ويا قلّ ما تلقىَ .. كريمة خصايـل
وإنشِد مجرِّب طاوي ٍ ماضِيَه طـيّ=ويا كثر ما جرَّبت والحظ .. مايـل
وخلّ الهوىَ بالشمس دوِّر على فـيّ=والمِستريح اللي من العِشـق زايـل
&&&&&&&&&&&&&&&&
,,, تمت وسلامة الجميع ,,,
,,, تقبلوا سلامي ,,,
,,, ودمتم بحفظ الله جميعآ ,,, |
|