15-09-2010, 04:14 AM
|
رقم المشاركة : 1
|
|
صـوت : عبدالعزيز الصعب + صدى : بدر الرميح , الفتـاة السعـوديه + الفتـاة الكـويتيه ,
|
|
|
|
بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
صبــــاح & مســــاء
الخير على الجميـــع
وعيدكم مبارك وتقبل الله طاعتكم جميعآ
وإليكم ( صوت + صدى ) بيني وبين أخي العزيز
والشاعر القدير : عبدالعزيز الصعب التميمي بوبدر
وهو يمدح بالفتاة السعوديه من طرفه وأنا رديت عليه دفاعآ
من طرفي عن الفتاة الكويتيه وكلها مُداعبات شعريه بيني وبين أخي وقافيه مُميزه
عل وعسى أن ينال الصوت والصدى والقافيه إعجابكم ورضاكم جميعآ
مُلاحظه : مُفتي الغاط المعني هو الأخ والشاعر الكبير : سعد البطيان العازمي بوبطيان ..
,,, صلوا على النبي ,,,
,,, ويقــول الصعب بالصوت ,,,
&&&&&&&&&&&&&&&
يا بوخالد يَـدك عن حَمي القزوز = إن وصلت أم الجديل النايزه
خابرك شاعر ولا أنته بمحروز = منك أخذ كنز الشعر .. كنايزه
ويا بوخالد قول لـِ/ذْوَات الطروز= مثل قولي للعجوز الخايزه
ما وراها لا غرور ولا نشوز = مملكة عرش الحَيا وركايزه
يامَرَه بالوضـع هـذا مايجـوز = حتى لو مفتـي بـلادك جايـزه
كان دينك من على دين الدُّروز = دَوِّري واحـد خيالـك عايـزه
بارعه بالشين في لبس الجنـوز = بنت من زهرة شبابـك بايـزه
ما يحوز الزيـن كلـه ما يحـوز = غير بنت بلادنا اللـي حايـزه
بنتنا مثـل الجُواهـِر والكنـوز = أنظَر مـن الشمـس فالأزايـزه
بنت وحـده بالسعوديـه تفـوز = في جمال الكـون دايـم فايـزه
سَيِّدات البيض بالعَالـم رمُـوز = عَرشِهِن بالزين مَحـد ٍ هايـزه
بالجَمال وبالـدلال وبالركـوز = بنتِنا اللي فـي حَلاهـا رايـزه
وبالشَّرف والدين والحِشمه بُروز = تِستحِق إمـن العَفـاف الجايـزه
تشتمين اليوم يا وجـه العجـوز = بعد ما شالـوك (بالرزرايـزه)
إحترق سِلك المحَطـه والفيـوز = وغلَّـق المُفتـي علـى جنايـزه
&&&&&&&&&&&&&&&
,,, وأقول أنا بالصدى ,,,
&&&&&&&&&&&&&&&
أركد أركد يالصَّعب لا ما يجُـوز = بنتنـا فيهـا الحَـلا والفـايـزه
ما خَبَرت الجَوهَـره وأم الكنـوز = غير في ( بنت الكويت ) الحايزه
لا تحـَدَّىَ رُوح سُـوق ( الأفنيـوز ) = شوف في عينيك مَنهي الجايـزه
بالجَمال وبالحشم ( غير ) الجنوز = ديننا وصَّىَ علـى اللـي رايـزه
وإترك ( أم الجنز ) ما فيها بُروز = حتـى لـو مَركوبَهـا رزرايـزه
والعجوز اللي تقول إنها خنوز = يومَهَا قـرَّب عَسَاها خايزه
وإن بغيت الحَق بعطيك المُجـوز = في بَنات أهـل الخليـج الهايـزه
بنتنا وبنتكـم .. كِلهِـن رمُـوز = فالمحَاشـم والمَلابـس تـايـزه
وأنصحك يالشيخ عن بنت الدُّروز = دينهُـم مَعروف مَحـد ٍ عـايـزه
ويلها بالمصَلحَـه ودِّهـا تحُـوز = كِلّ مـا ( فالبُـوك ) ودَّهـا حايـزه
وشرعنا للرَّجِل دايم لـه يجـوز = ب/ديننـا .. وإلا مذاهـب بايـزه
دوِّر من الزيـن مَلـزوم ٍ تفـوز = لا بغيت الشَّـرع .. فيه ركايزه
في بنَات أهل الخليج أم الرُّكـوز = بالسُّمُر والبيـض تلقـىَ النايـزه
وإلا في حَـيّ الزمَالـِك والعَجـوز = وإن بَغيت الصِّدق لحمِـك لايـزه
وعندك أهل الغاط ( مُفتيهُم ) ينُوز = خِـذ .. مِن شُـوره وفَتـوىَ جايـزه
وجعل من جابتك خالتنا العجـوز = عَلَّهـا ب/جنـان ربِّــك فـايـزه
ولا عليك قصور يالحُـرّ الفزوز = أنت سَـاس الشِّـعـِـر وأنت كنايزه
&&&&&&&&&&&&&&&
,,, وسلامــــة الجميــــــع ,,, |
|
|
|
|
التوقيع - بدر الرميح |
لزيارة ديواني إضغــط >>> ( هُنـا )
|
|
|
|