السلام عليكم ورحمة الله وبركاته0واسعدالله صباحكم بكل خير
وهذا ردي على اخوي الفاضل ابوبدر
اهلا هلابك ومرحبتين=وعساه ماتصيبك اتراحه
كريم من لابتن ظفرين=شجعان للقوم نطّاحه
عزيز يامعرّب الجدّين=ومعكم ترى الفكر مسراحه
مافيه وحده ولاثنتين=الوقت كثّر بي جراحه
الجرح فيني غدا جرحين=وماعاد لي نفس بالسّاحه
يوم الغضي صد له شهرين=الشّعر كسّرت مفتاحه
الغاط عفته ومن ذالحين=خلاص ابشد للباحه
ماعاد لي شف بالحلوين=والنفس ماهيب مرتاحه
ابطلب الله وقل أمين=لاصار كلّن على مراحه
يرجع لي اللي كحيل العين=اللي ثناياه ذبّاحه
ابوعيونن هدبهن زين=وخديدها شبه تفّاحه
وسلامتك وسلامة الجميع والعذر والسموحة من الجميع عن التقصير