السلام عليكم 0والعيد عليكم مبارك وكل عام وانتم بالف خير 0وامل ان تحوز هذه لابيات على رضاكم
واقول
ياليت يوم العيد بالعام عشرين=من شان خلّي مايطوّل افراقه
وامّا حصل عشرين يكفيني اثنين=واصبر لو ان القلب مافيه طاقه
والعيد عندي دايم ايصير عيدين=عيدن مع العالم وعيد ابعناقه
يالله ياربي تحفظه من العين=ذاك الوليف اللي يحفظ الصّداقه
اللي جماله يدعي القاسي ايلين=والله ماداجت عليه الطّفاقه
وانا مع المجمول روحن بجسمين=الكل منّا لصاحبه في شفاقه
وانا من اللي ياعرب فعلهم زين=عوازمن للعهد تحمي وثاقه
والله ثم والله والله وايمين=منساه دام الرّوح فيها رماقه
وسلامتكم والعذر والسموحه بالقصور