08-03-2011, 04:02 PM
|
رقم المشاركة : 1
|
|
صـــوت : سعـــــد المليحيــق ,,, صـــدى : بــــدر الـرميـح
|
|
|
|
السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين
صوت وصدى مع أخي العزيز الشاعر : سعد سالم المليحيق
وأتمنى أن يحوز الصوت والصدى لذائقتكم الكريمه بحــــــول الله ..
,,, صـــلوا علــى النبــي ,,,
صـــوت بوســــالـم
ويقـــــووول
&&&&&&&&&&&&&&&&&&&&
عسىَ اللي تسبَّب في زَعَل ناب الأرداف = وجاب المشاكل عقـب ذيـك المُـوَدَّه
وخرَّب بيوت العِزّ من بيـن الأشـراف = وخلا دمـوع إصويحبـي فـوق خَـدَّه
يجنَّـه صواديفٍ ثقيـلات وخـفـاف = بعـد بَـاح سَـدِّي بَـيَّـح الله سَــدَّه
ويصيبه يا بوخالد مـن الهـم خفخـاف = وعسىَ اللي يحبَّه يقلـب اليـوم ضِـدَّه
ولعلـه يا بوخالـد يحمَّـل بالإسـعـاف = وعسـىَ منطقـه ما عـاد يقـدر يـردَّه
وعسىَ ملبسه بيـن المخاليـق شفَّـاف = وعسىَ جيب ثوبـه مـن زمانـه يقِـدَّه
دروب النِّمايم مذهب أرخوم وإضعـاف = عسىَ الله علـى درب المهالـك يحِـدَّه
حداني يا بوخالد علـى نظمـة القـاف = ماهي مـن علومـي يرحـم الله جَـدَّه
لأني يا راع العُـرف والطيـب عـرَّاف = ولكن مـن يضـد اللـي نـودَّه نِضِـدَّه
حاولت آتصبـر ميـر زوَّد بالأحـلاف = وذا الحين صبـري يا بـدر وصـل حَـدَّه
نظمـت القصيـده يا بـدر دون ميقـاف = عصيت القصيـده ميـر قالـت لا بـدَّه
لعلـه بعدهـا مـايـزوَّد بـالأهـداف = وإذا زاد وقَّفنـاه مــن دون حَــدَّه
وقلت أبشـري بقولهـا مابهـا إخـلاف = وألاعـاب رجالٍ لبـس ثـوبٍ وقَـدَّه
أبا أقولها مـن طيـب مانيـب خـوَّاف = مـن إرادتـي مـن غيـر هاتـه و ودَّه
وهذا كـلام الصِّـدق والنـور ينشـاف = ولالي عـن اللـي قلـت لفَّـه وصَـدَّه
قصيده غريبه بيـن مغـزىَ ومنكـاف = ومجنونـةٍ مـن بيـن مزحَـه وجـدَّه
كذا جات مقسومه على أرباع وأنصـاف = وقافٍ يعـد وقـاف مجهـول عِــدَّه
وهذي علومـي يا بـدر طيِّـب القـاف = ورجلٍ سواتِـك بالمُـواقـف نِـعِـدَّه
&&&&&&&&&&&&&&&&&&&&
صـــدى صــوتـي
وأقــــــووول
&&&&&&&&&&&&&&&&&&&&
لا باس يا ذيبٍ .. ومن روس الأعراف = وعسىَ من حَداك اليوم للقاف في لِـدَّه
بيوت المعزَّه ما يخرِّب صَفوَهَا الأضعاف = نحدَّه على الضيق لين يشوف ونردَّه
وجعل من يفرِّق شمل الأحباب يجيه خفاف = يضيِّق على مَنسِمَه ويضيق في سَدَّه
وأنا يا بوسالم عارف الوضع قبل القاف = وحسبي على اللي كان بأسبابه وجِدَّه
نحاول نعرفه جعله اليوم فيه جحاف = وصواديف بقعا تضربه زود وتحِدَّه
وأبطلب من الله ذاكر النون ويَّـا الكاف = تجيه المهَالِك والمصايب مالها عِدَّه
وعسىَ من نوىَ هالنوايا ماله اليوم عرَّاف = تجيه الهَوايل طول الأيام ما ودَّه
وعسىَ أهل النِّمايم دايم الدُّوم فيها خلاف = تشوف الأوادم مير .. بفراشَها مَدَّه
وعسىَ من ظلمك يصير في داخله خفخاف = ويجيه الخطر من وين ما راح ويبدَّه
ولعله تجيه هموم فاليوم ما هي خفاف = تورِّد عليه منين ما راح وتهِدَّه
وعسىَ من عطاه علوم ويزيد بالأهداف = تنكَّـس عليه المشاكل دوم في رَدَّه
وجعل بلوته يارب ما تلحق عليها إسعاف = ولا له علاج وبالمصحَّات له ضِدَّه
يحسب إن سِواته كلها زين ويَّا إنصاف = عَمَلها .. عسَاه يبلىَ وينشلّ في يَدَّه
وهذي جزات اللي يخرِّب بيوت أشراف = نحاول نُصُوعه كل ما بَان في خَدَّه
تصبَّر يا صحيبي وإنتظر قاضي الإنصاف = يحكمه بحكم ٍ نطلب الله في صَدَّه
ولحدٍ يلومك يا بوسالم طيِّـب الميقاف = ولاني براضي جعلي آصير له قَدَّه
وصَلك مني القَاف وإلا أزيد إرداف = ورجلٍ سِواتك جعلي إفداه في شِدَّه
&&&&&&&&&&&&&&&&&&&&
,,, وســــلامة الجميــــــــع ,,, |
|
|
|
|
التوقيع - بدر الرميح |
لزيارة ديواني إضغــط >>> ( هُنـا )
|
|
|
|