|
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
إخــواني & أخــواتي
صبــــاح & مســــاء
الخيــر على الجميــع
هـذه مُجـــــاراة بيني وبين أخي العزيز
والشاعر القدير : نـــــايـف بن كـــويـخ
ولقــد تشـــرَّفت بصـــوت بـونــــــواف
والصوت والصدى مُناداة إلى شاعر الغاط القدير
وأخونا الكبير : سعد البطيـــان العـــازمي بوبطيــان
,,, صلـــوا على النبي ,,,
,,, ويقـــووول بــونــــــواف بالصـــوت ,,,
&&&&&&&&&&&&&&&&&&&&
يا بدر ماعَيَّنت لـي شاعـر الغـاط=الشاعر اللـي كـل طـرقٍ يغنيـه
الشاعر اللي ماخـذٍ كـل الأنـواط=بالشعر يسبح والغزل مبـدعٍ فيـه
مرِّيت ديوانه وأنـا فينـي إحبـاط=ولقيت لي بيت أعجبتنـي معانيـه
ماني مطوِّلها وضايـف بالأشـواط=وأنت تعرفني لحتما الماقف أحميـه
وأسبَح بَحَر مَسبَح على ضفَّة الشَّاط=وأغوص يوم الشعر مُوجه قوافيـه
اللعب حسبه والخسـاره بالأبنـاط=وإلا ترى المشروع مانـي بدانيـه
وإن كان أبوخالد على اللعب محتاط=إمَّـا يجيـب العلـم وإلا يـودِّيـه
وإلا يوصِّلي سَلامـي هَـل الغـاط=وإلا يجاريني على شـان أجاريـه
,,, وقــد جـــــاوبتهُ بهــذا الصـــدى ,,,
يا مَرحبَا باللي حَشىَ ما يجي شاط=طيب المَراجل راسيه فـي معَاليـه
نايف يا بونـواف مَنتَـه بقـرَّاط=نِعم الخَوي شاعر وترقـىَ قوافيـه
تِنشِد عن العَمَّار غالي من الغـاط=نِعم الصِّحيب اللي تَعَـلا هقاويـه
أبوبطي وافي ومن ربـع ٍ إتحـاط=عن كِلمة الواشين واللي مشوا فيه
ما هُو من اللي هَرجُهُم كله إهيـاط=سَاس المَراجل في عُلومه تلاقيـه
عزالله إنه شاعـر ٍ ماخِـذ أنـواط=يُغوص فبحور الغَزَل فـي معانيـه
قلبه خَضَر ومفصِّل ٍ قافـه إخيـاط=وليت العَذارىَ كلهـا مـا تجافيـه
يرسم لك الأوصَاف من دُون حَطَّاط=ولا يدَنِّس سِمعتـه فـي حكاويـه
تَسبَح ويَسبَح في طويلات الأشواط=وأبَبذل المَجهُود من شان ندعيـه
وأنا أشهد إنَّـا فاقدينـه ونشتـاط=وملزوم نعرف نوصَله مـا نخليـه
ياليت يُوصَلنا خَبَر من هَل الغـاط=ولا صار زعلان ٍ علينا نراضيه
جَاك الجُواب وخاطري كله إحبـاط=ويا نايف بن كويخ قافـي يناديـه
&&&&&&&&&&&&&&&&&&&&
,,, وتم الصـوت والصـدى وســلامـة الجميــع ,,, |
|