|
بسم الله الرحمن الرحيم
اللهم صل على محمد وعلى آله وصحبه أجمعين
إخواني & أخواتي
السلام عليكم ورحمة الله وبركاته
صبـــــاح & مســـــاء
الخير على الجميــــع
هُنا صوت وصدى مع أخي العزيز والشاعر القدير : أحمد راشد النويعم
وأتمنى من الله أن تستمتعُوا بقراءة الصوت والصدى ويحوزان على ذائقة الجميع
,,, بحـــــــــــــــــــــــــــول الله ,,,
,,, صلـــوا على النبي ,,,
,,, صــوت : أحمــد النــويعـم ,,,
&&&&&&&&&&&&&&&&&&&&
بسم الله أبدا وأبتدي ولا خاب منهو بـه بـدا =بأبيات شعرٍ صَمّ قلبـي عـن لسانـه قالهَـا
سلام يازبن الضِّعيف بعـداد قطـرات النِّـدا =من خافقٍ هايـض بفكـره بالقوافـي شالهَـا
حثَّنا بها محمد رسول الله على درب الهُـدى =بحلول شهـر الخيـر نبعثهـا بعَـدّ إليالهَـا
كل عام وأنت بخير من صوتٍ يجيلك له صدا =نظَّم لك الأبيات فـي فكـره وحـل إحبالهَـا
توصلك يالشُّغمُوم ياللي بالمراجـل مـا غـدا =ياللي علوم الطِّيب من مدح المراجـل نالهَـا
من لابتي عوازم ٍ ماتعـرف دروب الـرِّدى =اللي زهُول المرجله ترمي بذكره إعقالهَـا
قم ياعشيري وإحتزم بلعب على طرق الحـدا =النَّار حيَّـه والمُواقـف مالهـا إلا إرجالهَـا
ياصاحبي قلبي من الأحـزان أتعبـه الجـدا =وجد العجُوز اللي إتوجَّد يوم ماتـوا عيالهَـا
على وليفٍ بالهوى حالـي ومالـي لـه فـدا =غروٍ إليا منَّه هرجلي همُوم صـدري زالهَـا
قفَّا وشَمَّت ياعشيـري بالهـوى كـل العـدا =وأنا الـذي ظنِّيـت نفسـي شِفِّهـا وخيَّالهَـا
وش حيلتي ياصاحبي صوله مثل قلع المـدا =إبعيد عن نفسي ولا أدري كيف أنا برقالهَـا
تكفا يا بوخالد إن كان الشِّعر يوصَلْـهْ نَشِّـدا =ليه التِّغِلي والجفـا منِّـي وش اللـي جالهَـا
هذا الذي وسط الحشا بأبيات شعـري أكِّـدا =من هاجس ٍ لا مثَّل الأبيات جـاب إجزالهَـا
&&&&&&&&&&&&&&&&&&&&
,,, صدى : بـدر خـالـد الـرميـح ,,,
&&&&&&&&&&&&&&&&&&&&
بسم الله أبدي للرِّفيق اللي نِصَانـي إمحَـدِّدا =بأبيات شعر ٍ قالها يُومَه وصَلنـي إرسَالهَـا
يا مَرحبَا يا إبن الرِّجَال اللي فعُولـه مِجَّـدا =وأنا معك هيِّضتني بأفكار شِفـت إخصَالهَـا
رسُولنا محمد عليه ألـف الصَّـلاة إمـرَدِّدا =ويا الله تسَاعدنا على الطَّاعه وكِلّ أفضَالهَـا
وعسىَ حياتك كلها بخيـر ٍ ولا هـي نِكَّـدا =والوافيه وَصْلَـت وهـي مَحبُوكَـةٍ بأقفَالهَـا
جتني بيوتـك وافيـه وردِّي عليهـا موَكِّـدا =يا إبن القُروم اللي تنومس عارفيـن أفعَالهَـا
حِنَّا العَوازم لابـةٍ والسَّـاس فينَـا إمخَلِّـدا =نَبقىَ على طُـول الزِّمَـن مَعروفـةٍ بعدالهَـا
العين تَدمَع لا لطَمت الخَشِم صِرنـا إمقَـرِّدا =وكلِّي فِدالِك يـا بوراشـد فَالوَغَـا شيَّالهَـا
زَهَمتني وأنا إحتزمت وإلاَّ الضِّعيف إمجَـرِّدا =وحِنَّا لهَا وقـت الشِّدايـد راقييـن إجبَالهَـا
هذي هي الأحزان دايم جعلهـا مـا تعَـوِّدا =لكن بَلاك إمن الجُرُوح اللِّي ما تلقىَ إدوَالهَـا
والله لو هي بالدَّراهِم هَـاك مَالـي إمرَجِّـدا =وهمُوم صَدرك هَاتهَـا وأنـا لهَـا حَمَّالهَـا
ولا قَفَّت الجَادل عسىَ فالِك هَنُـوف إمفَـرِّدا =وما للسُّوالف يا عشيري في دُرُوب إخمَالهَـا
وإن طِعت شُوري خلَّها لا تصير فيها إمقَيِّـدا =تلقىَ من الخَفرات واجد لا بغيـت أشكَالهَـا
يا صَاحبي مَالِك جدىَ عقلك براسِـك سَيِّـدا =وإتعب على اللي تشتري لامن بغيت إكمَالهَـا
وإنشِد مجرِّب حَايفٍ بيض العَذارىَ إمعَـدِّدا =ويا الله بحسن الخَاتمـه بدقَاقهَـا وإجلاَلهَـا
هذا جُوابي يالنِّويعـم يـوم جيـت إمسَنِّـدا =وإسلم يا بوراشد عسىَ حَالك تطيب أحوَالهَـا
ولا تِحْزِن القَلب المِشَقَّىَ والجُرُوح إتضَمِّـدا=وأختم كَلامي ليتنـي أقـدَر أشيـل إثقَالهَـا
&&&&&&&&&&&&&&&&&&&&
,,, تمت وسلامة الجميع ,,, |
|