ضاعت علي فرصة البارح من اسبابه=واللي وقف عايقن عسى الله يرجّه
يوم جيت يم الغضي ثم هج لي بابه=سمعت عودن يقول وين راحت الحجّه
لابوه لابو كبير السّن وش جابه=ضيّع علي فرصتي باسباب هالصجّه
قلبي قويّن وانا والله ماهابه=لاكن اخاف الغضي يضيع بالعجّه
والله يلولا الولي واخشى من اعقابه=يالعود هذا لشيله ثم لازجّه
لاهوب لامنقلع ولا مريّح احبابه=عساه لمشبّبن في راسه يشجّه
مانيب من يقتنع بشويّت نهابه=ولانيب مطلق حبيبي وقايل الهجّه
انا هواوي وفعلي حاسب احسابه=وبيبان قلبي على الخفرات منهجّه
الحب بلوى وحالي منه منصابه=ولو فزت يومن اعاني عقبها الدجّه