السلام عليكم
قصيدة موجهه الى شاعرنا سعد البطيان[/size]
ارجو ان تنال اعجابكم
يابو بطي جيت لك مرتاع=من ماقفٍ ماتحرّيته
ماني على فرجته قطاع=وثوب الحزن فيه زرّيته
والله يلو الخبر ينذاع=ماصارلي كان قريّته
قبلي عليه السباع اشباع=ويوم انعمى قال ضرّيته
طاوعة نفسي وجيته ساع=وصدقة عمري ومرّيته
اثره ملغملي المطلاع=اللي عن الّلال ذرّيته
وجوني ثلاثة تقول اضباع=ومواري الموت حرّيته
ولقطت عمري ونا منلاع=وعليهم الجيب فرّيته
وشوي مستقبلي قد ضاع=وقدم الملا كان عرّيته
اثر الغضي ياسعد خداع=طويت حبه وصرّيته
مانيب هاوي قصير ذراع=ولو غاب ماعاد طرّيته
ردي على ابوبدر
امل ان تحوز على رضاك ابوبدر ورضا الجميع وتراالبيتين الاخيرات للمزح لاتواخذوني وابوبدر يعرفني وامون عليه ويمون على رقبتي 0واقول
انت الشّجاع وسليل اسباع=والخوف مايوم طرّيته
بوجهك مياقف ثلاث اضباع=كم واحدن قبل سرّيته
واللي معه واقفن فزّاع=بعيونه الملح ذرّيته
انته كما الحر لامن فاع=من بينهم كان جرّيته
يابوبدر ياطويل ذراع=ليت العقل منه فرّيته
حتّى يسّلم ولك ينصاع=يجيك لو ماتحرّيته
قلّه تراني مني طمّاع=مثلك بحبّي مغرّيته
وانكان خلّك خبيث اطباع=ماينفعك كان برّيته
اوقف لمثله على المطلاع=ميتوب كانك محرّيته
واليا وقع في يديك وطاع=يعود لك كان كرّيته
وهذي القصيده وصاع بصاع=مثلك رفيقي مضرّيته
منيب خايف ولا مرتاع=من غلط يالقرم ورّيته