23-01-2011, 05:13 AM
|
رقم المشاركة : 1
|
|
,©؛°¨°؛©][ صَفعـــات الليـــالـي ][©؛°¨°؛©,
|
|
|
|
بسم الله الرحمن الرحيم
اللهم صل على محمد وعلى آله وصحبه أجمعين
إخواني & أخواتي
السلام عليكم ورحمة الله وبركاته
صبـــاح & مســـاء
الخير على الجميع
جـــديـده إسمحوا لها بالمُرور والقُبول والعُبور
,,, صلوا على النبي ,,,
&&&&&&&&&&&&&&&&&&&&
ما هَقيـت إن الليالـي مـا تقـرِّب=لين شِفت الوَقت .. كَشَّر لي جُزوعي
ولا حَسَبت حسَاب يومنِّـي أغـرِّب=مير صَدَّات الليالي .. لي تُصوعـي
قمت أشوف العُمُر يطمُرني مسـرِّب=والليالي سَاريَه غَصـب ٍ خُضوعـي
فاهم ٍ ما أحتاج لي شَخص ٍ يـدرِّب=يوم بَعض الناس فالوَاجب قُطوعـي
والله إنـي حَايـف الدنيـا مجـرِّب=حَافظ ٍ سِلم المَراجِل لـي طُبوعـي
مير صَفعات الليالـي مـا تطـرِّب=ولا عَليَّ إخـلاف ماشيهـا قُنوعـي
أبشري باللـي تبيـن ومـا نخـرِّب=والرِّجَال أجناس فيهم مِـن يُفوعـي
وأعرف الصِّدقان والطيِّـب معـرِّب=مِن خَوال ومِن عَمام ٍ لـه دُروعـي
والرِّجَال تبيـن بأوقـات ٍ تضـرِّب=يوم وَلـد الـلاش للشينـه تُبوعـي
ونَعرف إن القَـرم بالعَليـا يكـرِّب=مِن عُلوم الطيب دايم فـي طُلوعـي
ونَعرف إن اللاش بالعَالـم يخـرِّب=دايم ٍ بالقـول مـا عنـده سُنوعـي
أثر بَعض الناس بسمُومَـه يشـرِّب=بالرِّدىَ والخُبث مَعـروف ٍ خُنوعـي
والرُّفاقـه مـا يجـي فيهـا متـرِّب=والثمينه نشتـري رَجـل ٍ رُفوعـي
صَاحبي بالضيق لا يمكـن يهـرِّب=لا زَهَمته جَاك مـا فيهـا رُجوعـي
والله إني مِـن عَنَـا الدنيـا أقـرِّب=يوم شِفت الوَقت .. يَسرق لي رُبوعي
&&&&&&&&&&&&&&&&&&&&
,,, تمت وسلامة الجميع ,,, |
|
|
|
|
التوقيع - بدر الرميح |
لزيارة ديواني إضغــط >>> ( هُنـا )
|
|
|
|