ياكثر ماتطري على البال واطريك = في ضيقة الايام لا ضاق صدري
واللي يخليني اليا ضقت اناديك = اني معك ,, عارف غلاتي وقدري
وانك بوقت الضيق ما رخصت غاليك = ماهي خساره معك لا راح عمري
حتى ولو اخطيت ويا معاليك = تدمح خطاي ,, وتعذر ان جاك عذري
وانته لامن اخطيت ,, ماقدر اخليك = ياوسع صدري معك ياطول صبري
طعم السعاده ذقتها يوم الاقيك = حتى غرامك صار بالدم يجري
ركز على حالي وانا كل ماجيك = كل ضيقة ً من بعد لقياك تسري
وان جيتني والوقت ماعاد يمديك = انسى ظروف الوقت واقول بدري
اشتاق لك ما ضن هالشي يخفيك = في ذمتي مشتاق يانور فجري
واللي بقوله ,, جعل ربي يخليك = لجل المواصل كل ماضاق صدري