يابو حمد قرب عسى ايامك طوال= يومن بعض الناس خايب وصايب
تراك ذخري للمواقف والافعال = واعرف تراك اليوم سقت الركايـب
جيتك وانا في خاطري هم غربال = يومن حامت فوق راسي مصايب
قرب وابشكيلك عن الحال لاحال = لوكان جسمي بعد فرقـاه عايـب
راح وتركني للهواجيس مدخال = من زود همي فالهوى صرت خايب
تدري وش الغلطه على كل الاحوال = اني على قربه كسيرن وذايـب
واليوم ماله داخـل القلـب منزال = حبـه تبـدل وانتهـا ياعجايـب
ياما على باب الهوى جاني اهبال = والحين قلبي من هوى الحب هايب
اخذ الكلام اليوم من قلب رجال = ان الهوى مافيـه غيـر المصايـب
والحين ماله داخـل القلـب منزال = لاكـن هبـي يانسيـم الهبايـب