ياصاحبي لى بالهوى نظرتن فوق= ماهيب نظرات العقول الخفيفه
لاتحسبنى ياريش العين مطفوق= الحر يعرف وين يمة رفيفه
يتلنى يمك من الشوق ناتوق = راعى الهوى يمشى على غير كيفه
ماشاقنى قبلك من الناس مخلوق= الا انت ياراعى العلوم النظيفه
سحرتنى بالهرج فى زين منطوق= سوالفك عندى تراها طريفه
لاتلومنى يا جارح القلب بحروق= عذبت روحى والمحبه كليفه
لوقلت ابصبر عنك يدفعنى الشوق= صعبن على انساك نفسي ضعيفه
انت الجمال وبسمتك كلها ذوق= شوفك ربيع القلب وايضا مصيفه
متمكنن حبك ابقلبي له اعموق= ماينتزحزح دام قلبي وليفه
امثبتن بالحب والعهد موثوق= جاك الغلا منى وعطنى نصيفه