خمسة عشر يومن تكامل بفرقاه = اللي حياتي معه فترة قصيره
ماقلت في فرقاه ياقلب عزاه = ولانثرت من الدموع الكثيره
ولاكتبت الشعر في وقت ذكراه = ولا شغل بالي بالفين حيره
ياراكبن من عندنا زين ممشاه = جيبن سفاري مايغيّر مسيره
من وارد البابطين ياخوك محلاه = سوبر سفاري (فتك)ماهوب غيره
ياراكبه بسألك فالحب وش جاه = الخاين اللي راح فارق عشيره
خان العهد والحب في مد يمناه = وانا الذي ماخان قلبي ضميره
ياراكبه وصل كلامي ومبداه = للي يخون القلب والله خطيره
قله ترى بصبر بدونك وبنساه = وتقدر تقول فراقنا صار خيره
وقله ترى جرحك قوي(ن) وابقواه = وقله ترى حبك ترى طار طيره
قلبي نسى حبه وعزم وخلاه = نسى غلاته لو غلاته كبيره
ياراكبه وصل كلامي ويقراه = اللي يخون الحب هـذا مصيره
وبعيش تال العمر أضحك وبنساه = وبنسى غلاته لو غلاته كبيره