اببدي من هجوسن ماجفاني = يجيب الجزل في حلو المعاني
الا ياهاجسي ببدي قصيده = على منهو رحل ثمن نساني
يخون القلب من عقب الصداقه = وانا ماخنت حبه بالزمانـي
سمع هرج العواذل في حبيبن = يحبه والغلا زاد الحناني
عقب ماكنت في درب المحبه = اسوق الرجل وأسمه باللساني
وعقب ماكان ثابت وسط قلبي = كما نجم الجدي ويا اليماني
ثلاث حروف واضح بالبطاقه = الاول نون والثاني عصاني
وست شهور والدمعات تقطر = من اسباب المفارق يا فلاني
وست شهور والحرمان فيني = ماذقت النوم ما شفت التهاني
انا بنسى الغلا بنسى جروحي = لو ان البعد يامسلم كوانـي
وانا شفت المحبه ماتفرق = من المجروح من منهو جفاني