سر ياقلم وكتب بيوتن تسليـه = لصاحب اللي جر قلبي من اقصاه
يبكي من الفرقا وهو حيل باغيه = بس الظروف اللي تخليه يبكـااه
أنا اشوفه يـوم يبكـي يناديـه = مدري علامه يوم يبكي بذكـراه
اثريه عاشق والحبيـب مخليـه = ليته يشوفه كيف عايش بفرقـاه
مغير يبكي جعل ربـي يشافيـه = من الحبيب اللي تغـلا وخـلاه
ياجرحه اللي من سنه دوم يكويه = تحرق عروق القلب والحب ويلاه
بدعيك ياللي خالق الكون راعيه = تفرج اهمومه والفرح دوم ويااه
ويلقا طبيب(ن)جرح قلبه يدويه = ويلقا حبيبن طول عمره تمنـااه
ياصحبي بطلبك شيـن تسويـه = انك تشيل اسمه من القلب تنسااه
وذكر كلامي راح يرجع تحاكيه = مندم من اللي سوته سود يمنـااه
وهذا كلامي هات ردك تحليـه = يلي عشانك ننثر الدمع عـزااه
ورد الشاعـر عبدالله بن دغيمان
سر ياقلم واكتب بيوتن تجاريـه = من صاحبن غالي عسى الرب يحماه
جتني بيوتـه واعجبتنـي معانيـه = وفز الخفوق وجر صوته من اقصاه
الحب يارجـال هـذي مواريـه = أما الفراق وتالـي العمـر ويـاه
واذا تركني قلت مانـي براجيـه = مير الغلا في داخل الروح منسـاه
واذا بغاني صرت بالحيـل باغيـه = ويلاه من فرقا المواليـف ويـلاه
من كثر ماحبه ومن كثر ماغليـه = أسمه بوسط القلب عايش بذكراه
يصاحبي لو تعرف القلب وشفيـه = لتهل دمع العين وتقـول عـزاه
فتق جروحي ياعسى الله يجازيـه = من شانه اضحك واتحمل خطاياه
متى على الله أحط يديـه بياديـه = مهما يمر الوقت مـاوالله اجفـاه
ياخوك انا حالي من البعد والتيـه = كني مريض الحب ماحصل ادواه
وأخر بيوتي جعـل ربـي يخليـه = خلاص انا مليت من صد أبنساه