السلام عليكم ورحمة الله وبركاته
اليكمم صوت وصدى بيني وبين
الشاعر.. مسلم حميد الدواي
صوت ... فهد لافي
اببدي يامسلـم فـي سؤالـه = وبنشد كان تعرف وش جراله
حبيبن غاب عني دون سبـه = وانا مدري وشلي هو طرالـه
عقب ماكنت انا اللي له حبيبن = يحبه ويتمنـا فـي وصالـه
وعقب ماكان رقمه كل ساعه = يدق ودقتـه بعـد الرسالـه
وعقب ماكان حبي في عروقه = كما سيلن بعالي طويق ساله
ولاكـن دارت الدنيـا ودارت = نسا حبي وشاله مـن خيالـه
ثلاث اشهـور قفـا يارفيقـي = وحبل الوصل يامسلم رخالـه
وانا من سبته مـاذوق زادي = وعيني تشفق بشوفة جمالـه
وحلو النوم عينـي ماتذوقـه = وعلى قول العرب ماهي بحاله
سؤال القلـب هـذا يامسلـم = وبا ردك يجيني ..(بالعداله) !
وانا بنطرك يامسلم حميـد .؟ = ابعرف ويش ردك في سؤاله ؟
صـدى .. الشاعر مسلم حميد الدواي ...
يبي ردي اقوله في رسالـه = فهد لافي تحسف من جمالـه
صديقك راح وقفا في طريقه = اخذ هرجي ترى زايد حلالـه
لونك واحدن مافيـه غيـرك = حرام انه يحطك وسط بالـه
انا اقول الحقيقه ياصحيبـي = تناسـا حبـه ودور بدالـه
لونه بالحلا يسوى العـذارى = ولونه حيل زايد فـي دلالـه
ترى التغيير فيهم طبعن اقشر = تبي حبك ؟ رح انشد بالازاله
وتلقا ناس مثلـك بالمحبـه = ترى نفسك كذا هي النذالـه
تحبه حيل ثم تخلص بحبـه = واهو مافيـه ذره بالاصالـه
علامك جن فكرك يابو لافـي = ترى التغيير فنن في مجالـه
انا قلت الحقيقه جـاك ردي = يبو لافي ترى القصه سهاله
علامك تكتب ابيوتك عشانـه = على مقفـاه لايكثـر جدالـه
اهو خلاك ثم غيـر بغيـرك = بسيطه روح دور لك بدالـه