الله وأكبر نويـت اليـوم تنسانـي=وتنسى فهد لافي ثم تنسى تلفونـه
عقب الغلا والموده صرت تجفانـي=وخنت العهد ولاعرفنا ليش بتخونه
الظاهر انك سمعت افـلان وفلانـي=كلام هـرج العـواذل دوم يحكونـه
افهم كلامي مدام الشعـر معصانـي=منساك لوقالـو العربـان مجنونـه
الحب بالوه وعمـر الادمـي فانـي=وانا عشقتك وقلبـي زادت اطعونـه
يالله يالـي مليـت القلـب بيمانـي=انه يجيني لون الحـظ مـن دونـه
بنيتله وسط قلبـي بيـت وحدانـي=وصارت محبته يالرحمن مضمونـه
مدري وش اللي حصل روح وخلاني=وجروح قلبي بصدري منه .. مدفونه
مغير اهوجس وجيب البيت طفشاني=وانا على طرق الهجيني مع اللحونه
وختامها راح .. ثم قفا .. وخلانـي=بذكره بالخير دايم واذكـر اعيونـه