السلام عليكم ورحمة الله وبركاته
صوووت الشاعر انور محارب بن هواش
يقوول ..
الله علـى اللـي ضايـق الخلـق والبـال = مــن واحـــدن يـافـهـد طـــوَّل عـلـيـه
علـى حبيـبـن بالجـفـا شــد الارحــال = روَّح مـاراح الـريـح مــن دون جـيـه
اتـل العهـد قـفـى وانــا الـدمـع هـمـال = الـضـيـق والـغـربــال والــهــم فــيــه
النفـس ماتـرتـاح لـيـل الشـقـى طــال = ياكـيـف انــا بـرتـاح وعيـنـي شـقـيـه
انــا اشـهـد انــه البـعـد يافْـهـد قـتــال = صــد الحبـيِّـب دون ذنـــب وخـطـيـه
ارحـم خفوقـي بالهـوى ياهـوى البـال = قلـبـي عـلـى بـعـدك يـاصـاف الثنـيـه
شال الحمول اللي على ظهر الأجمال = اسـهـر طــوال الـلـيـل والـنــوم فـيــه
الجـادل اللـي داخـل احـشـاي لا زال = الـجـادل الـلــي مـنــه حـالــي رديـــه
مايرحم اللي لجل عينـه شقـى الحـال = روح وتـــوكَّـــل لا تـــعـــود عــلــيــه
الـحـب مايـعـرف مجـانـيـن وعـقــال = يــدهــور الـعـالــم كــمــا الـعـامـريـه
وصـــدى الشاعر فهد لافي ...
حي البيوت وحي مـن جابهـا اجـزال = مـن واحــدن مـجـروح عيـنـه شقـيـه
يـابـو مـحـارب كـانـه الـيـوم رحــال = خـلــه يـــروِّح كـانــه نـفـسـه رديـــه
اصبـر وعـز النفـس والحمـل مامـال =والــحـــب لــشـــرواه والله خـطــيــه
كـف السهـر ونـوح ودمـع اليـا ســال = وحقـر تــرى الحـقـران للقـلـب كـيـه
اشفق على المرواح مع خوَّة ارجال = واشفـق علـى الـمـرواح والـنـار حـيـه
وشفـق علـى صفـرن تريحلـك البـال = صفـر النيـاق اللـي علـى القلـب فـيـه
ياصاحبـي شـد العـزم وانــت خـيـال = وصبـر عـن اجروحـك لونـهـا قـويـه
دوَّر بغـيـره كـــان فالـقـلـب مـنــزال = يخـلـص بحـبـه مـثـل صــاف الثنـيـه
هذا جوابي جـاك مـن هاتـف ارسـال = وضَّحـتـلـك مـعـنـى وهـــذي هــديــه
الـحـب سـيـفـن دايـــم الـــدوم قـتــال = يـامـا ذبــح نـاســن ولاهـــي شـويــه