الباقـي الله ياطويـل العمـر والطيـب يبـيـن=((ان مات تبكيه الرجال اللي تشد بـه الظهـر))
لاتحسـب الدنيـا تـدوم وكلبـونـا رايحـيـن=للواحـد اللـي خالـق الدنيـا وبيديـه الامـر
لجيت اوصف حالتـي ماجنهـا غيـر السجيـن=اللي وسـط زنزانتـه يسمـع برشـات المطـر
واللي حرق كبده اخوانه ماحضرو لـه زايريـن=ويطري عليه اعياله اللـي فـي بدايـات العمـر
((وده على الطلعه يشوف اللي فقد لو ساعتين ))=((ويحب راس امه قبل لاتموت من زود القهـر))
بعض البشر مايحتسب فالوقـت لادنيـا وديـن=استغفر الله كيف مايدري عن احسـاب القبـر?؟
البارحه ضاقت علـي واشوفهـا عيـت تزيـن=وارفع له يديني بعد صليت لـه فـرض الفجـر
يالله تفرجهـا علـي رحـمـاك رب العالمـيـن=ادعي يالين الدمع من عيني على صـدري حـدر
والحمدلله راحت الضيقـه مـن يسـار ويميـن=واللي تـرك لله حاجـه يحتسـب فيهـا الاجـر
((لولا الحيا والخوف والشيمه مع العرق المتين))=((اني لجيب العيـد وعـلاج اللعانـه بالقشـر))
لكـن علـي الله مايبقـى غيـر ذكـر الطيبيـن=وبختصر للعلم في اخر بيت في ثاني شطـر!!!!
بختم كلامي وانهى المعنـى فقـط فـي كلمتيـن=(( تبطي وماتلقا مثل صاحبك ابو ناصر بـدر))