السلام عليكم ورحمة الله وبركاته
بسم الله الرحمن الرحيم
--------------------------------------------------------------------------------
خيّال صبحا
كل القبايل مـا نسفـه جنابهـا
نعمين في شيبانها مـع شبابهـا
عدنان مع قحطان للطيب كلهـا
قحطان صايبها وعدنان صابها
وانا مهيضني يالاجـواد فعـلٍ
لللابة اللي باللقـا يعتـزا بهـا
يوم الشريف اللي بحيله وحيلته
حوّل يبي حرب الرجال وغدابها
حتى تهيّض باللقا من فعلوهـم
وقصيدته مما حصل فيه جابهـا
عوازمٍ من ساسهم منبع الظفـر
قصيدةٍ مطبوعـةٍ فـي كتابهـا
وفي نجد سبع ابواع محلا قليبنا
وحلالنا يسرح بها مـا يهابهـا
وخيّال صبحا عزوةٍ نعتزي بها
يوم احتمينا فاللـوازم هضابهـا
وكم وقعةٍ لو كان نبغـا نعدهـا
في دفتر التاريخ يحسب حسابها
وكم شيخ قومٍ يوم بارت فعايلـه
خلوه ربعي مندفن فـي ترابهـا
افعالهم يدري بها كـل مجتهـد
ولا ردي المعرفه مـا درابهـا
--------------------------------------------------------------------------------
العطوان
لا صـار كلـن يفتخـر بالقبايـل
لي لابتـن مـا يجلبـون الفشايـل
هم ربعي العطوان كسابت الطيـب
عـوازمٍ تعـرف بزيـن الفعايـل
من اطيب العربان صفـوة هـوازن
تشهد لهـم بالطيـب كـل القبايـل
تاريخهم معروف ماضي وحاضـر
وتشهد على ما اقول كـل الدلايـل
عاداتهم بالضيف وان كـان سيـر
يكـرم ويبشـر بالعلـوم الجزايـل
كل العوازم من رجـال الشجاعـه
نقالت الرايـه علـى كـل عايـل
عدوهـم ملـزوم تكثـر جروحـه
ومن حارب العطوان جته العلايـل
عز وفخر لا قلت ربعـي عـوازم
قلتـه وقبلـي قالهـا كـل قـايـل
هم عزوتي نسل الرجال المناعيـر
يفداهم اللي مـا يعـرف الحمايـل
خويهـم يحشـم يعـزون شـانـه
محسوب منهم لـو يكيلـون كايـل
باسـم القبيلـه يارجـال الحمـيـه
الاد عطا وان حال بالجـو حايـل
من عانهم ما ضاق لا شـان وقتـه
عنده ولـو زادت عليـه الهوايـل
قلته وانا من نسل ناسـن كريميـن
جدانـي اللمعـان زبـن الدخايـل
جدي حزام العز معـروف جـدي
اللي بوقت الضيـق للنـاس شايـل
ولي الفخر لا صرت من ترثت عبيد
اللي بوقـت المـدح للمـدح نايـل
عبيد ابـوي اللـي ورثنـاه طيبـه
ريف الركاب مزبنـن كـل سايـل
هذا ولا تقصير فـي باقـي النـاس
والنعـم والله فـي جميـع القبايـل