سر ياقلم ترجم حروفٍ بالحشا بين السطور=دام المشاعر صوّبت يمّ القريحه عِدّها
علامةٍ لجل الغلا تبقى على مـر العـصـور=لو شحّت سنين الغرام وقصّرت في مدّها
اكتب عساها تنحفظ من بيننا وسط الصـدور=لـو كــنـت مـاودّي ولكـنّ المحـبـه ودّها
درهمتها من بـيـن طيّات المعـاني والشطـور=للي غمرنـي عشقها والقلب صار ابيدّها
الجـادل اللي حبـها شـعّ بظلام القلب نـور=ببقى لها لو كلّ خلق الله توقّف ضدّها
هي نور عيـني هي هنا الخفّاق هي نـبـع السـرور=هي من غشت روحي فرح عقب الزمن ماهدّها
يأغلا البشر لجلك نظمت الشعر بأحساس وشعور=احساس صادق والمشاعر بيّحت لك سدّها
هذي هديّه واعذريني كان جا منّي قصور=تبقى المحبه بالحشا دايم يذعذع ندّها