يابـنـت انا مالـي ومال الـعـلاقــه=لاتخلطين الوضع هذي محسومه
ماخون أنا العشره واهين الرفاقه=ماهوب ذى طبعي ولا ذي سلومه
هذي علوم اهل الردى والحماقه=بين الردى والعار ضاعت علومه
مـن عادني بأول سـنـيـن الطفاقه=ماخنت وجداني ونفسي محشومه
طبعي كذا حافـظ حقوق الصداقه=الوضع ثابت يا عسى الله يدومه
صحيح قلبـي شـدّ حـبـك وثاقه=فيك الجمال اللي رمتني سهومه
أنا ادري ان قلبي بدى بحتراقه=وأدري على حبك فلا احدٍ يلومه
لكن فمان الله يا أجمل علاقه=أنسى غرامي والفؤاد وهمومه
قلبي نوى فالبعد وأعلن فراقه=حظي كذا واوضاع قلبي محسومه