يالله يامــن تغفر الذنب وتعين المستعين=اللي ليا صكت عليه هموم قلبه شلتها
أنا أشهد إنه لا إله إلا أنت رب العالمين=والمصطفى عبدك ولا بعده رسل ارسلتها
صّلّ الله وسلم على خير أنبياء المرسلين=شهادةٍ من داخل الخفّاق صادق قلتها
يامن تجيب الداعيّ المضّطر والقاسي يلين=حال العسر صارت يسر من رحمتك بدلتها
أنت الوحيد اللي في قلبي عالمٍ وشهو دفين=ضاعت سنين أحلى العمر وأقفت ولا حللتها
آشوف غيري بالفرح والناس حولي غافلين=عن حاجةٍ بأقصا الحشا لي مدةٍ ماطلتها
وأن شاء عفوك يا إله الكون وضعي يب يزين=تمهل ولا تهمل وانا ادري دعوتي ما أهملتها
ما يبتلا في ذا الزمان إلا خيار المؤمنين=آيات في حـق الصبر للمبتلين انزلتها
انا أحمد الله وأشكره ماني من اللي قانطين=والنفس من شان الأجر في صبرها جمّلتها
إما استجابت دعوتي ولا الفرح يوم اليقين=تغفر لي ذنوبي بها لو حاجتي مانلتها