غاب نور الشمس واقفى وابتدى الـهـم وعـذابه=وأقبل الليل وتجلّى واظلمت كل الـمدينه
الليالي ذكــرتـنـي بالــغــلا والشـــوق جـابـه=كيف بسلى عن هوى الي ماخذ(ن) روحي رهينه
كـل عرق(ن) في خفوقي يشتكي قسوة غيابه=آآه مــن ليل المفارق عذّب النفس الحزينه
كـن ما بالكــون مثله والعرب صارت تشابه=ماتت اوصوف الأوادم واصبحت دونه دفينه
يانسيم اللـيـل قـلـه صاحـبـك يشـكي صـوابه=من غيـابـك ماينام وحاير(ن) دمـعه في عينه
خـذ خفوقي معك امانه يوصل إل حضرت جنابه=يمـكن إليا شاف شوقه ينحني لجله جبينه
صاحبي وإن كان عـوّد مـرحبا ومـيـة هـلابه=له قصور(ن) وسط قلبي كد بناها في يمينه
وإن بغى الهجران وأقفّى, ماني من يتبع سرابه=الله المعبود وحـده يـجـبـر القـلـب ويعينه
ذي حياتي مع نسيم الليل والشوق وعتابه=لين زاح الليل واقفى وأشرقت شمس المدينه