على ذكـر الـغـرام اللي تركته من ثلاث شهور=جفـت عــيــنـي حلاة النوم ,, وانهلت مدامعـها
ذكرت الحب وأيامه ,, وشوق(ن) كنت به مسرور=على ذاك الغلا نفسي تسولف عن مواجعـها
ألا ياقـلـب وين إللي غـشـتـك بعطرها المنثور=هذيـك إللي شتات النفس,, لاجتـني تجمعها
قضيـت الليل مع قلبن عليل وخاطره مكسور=يعـاتبني علــى الفـرقا ,, ولايـقــدر يوادعـها
صحيح إني أنا المخطي ,, ولكن بالجفا مـعـذور=لأني بالهوى مرضى ,, يشاركني أحـد معها
ألا يالـيـت للعـاشـق ,, حقـوق وللهوى دستور=حرام إني لقاضي مَــنْ ,, حرم صوتي مسامعها
ولـكـن هكذا الدنيا ,, تـدور ومـن علـيـها يـدور=وتصريف الزمن حكمه ,, عظيم الشان واضعها
كذا أحلام الهوى ترحل ,, وتصبح ماضيٍ(ن) مهدور=وكذا أيام الفرح تـقـفـي ,, ولا نـقـدر نرجعها
بلاش إمن الهوى ياقلب ,, ولاتقضي العمر مقهور=على مـن صارت لغـيرك ,, وفـي بيته يدلعها
أبطوي صفحة الماضي ,, وأقول لخافـقـي ماجـور=تصبّر لارحم جـدك ,, وصـبّر نفـسي وأقنعها
فمان الله ياحــب(ن) ,, تركته من ثلاث شهور=ولو شوقي حداني له ,, بدوس أشواقي وأردعها