يامل نفـسٍ مـن عنا الـبعـد ذايبه=مـن حر ماتونس فلا هي بطايبه
كنّ الحشا بأقصاه جمرٍ من الغضا=ولا كما بـركان تـِحْـرق لهايبه
والعـيـن طـول الليل هلت دمـوعها=مثل المطر لامن هطل من سحايبه
على ولـيــفٍ كان فالقـلـب مـنـزلـه=أقفى وجيش الهم جتني كتايبه
كـثـر التـوجّـد مانفـعـني بغـيـبـتـه=ماينـفـع العاشـق لـفـارق حبايبه
عارف دوى نفسي وعارف مرادها=شوف الذي للقلب يشفي مصايبه
هـو سبّـت اشعاري ليا مـن كـتبـتها=ولا تـرى لغـيـره فلا هي بصايبه
اسرج خـيـول الفكر يـمّـه واجيـبها=مليانةٍ جـزل القـصـيـد بسبايبه
أكـتـب وأهـوجـس والبلا دون فايـده=مـن بيننا حـل الزمـان وصعايبه
مالي على المـجمـول حيلات وآخـذه=لانـي ولـد عـمـه ولا مـن قرايبه
وبيـني وبـيـنـه حال مـن دون وصلنا=شخص ٍ عليه اليوم زادت طلايبه
وأقفى الغـلا واقفيـت والكل مبـتـعـد=حـتـى الفـرح قـفّـى وشـدّت ركايبه
ثـم إنـتـهـت قـصـة غـرامٍ بـديـتـها=عنوانها نفـسٍ مـن الـبُـعـد ذايبه