مايهز القلب هـرج العـواذل بالقفـا=هرجةٍ يأغلا البشر ماحسبت حسابها
من جهل مكر الخبيثين بيديهم هفـا=هفوة أهل الحب فـالبعد هُمّ اسبابها
الله أعلـم بالنوايـا ويعلـم بالخفـا=غيرةٍ مدري حسَد في صدور اصحابها
دام قلب الحاقد اشتب يبطـي ماطفـا=أتركه في حرقته ينكـوي واهنابهـا
الفطانه وسط عقلي مع الصبر احلفا=وزود لي نفسٍ تدك الصخر بنيابهـا
من يبادلني غـلا مانجازيـه بجفـا=لو حكت كل الخلايـق وزاد اعتابهـا
فدوةٍ لك كل منهـو بجرحـي مارفـا=ولحيةٍ تجرح شعورك نحلْق اشنابها
كيف اشكك بالوفا منْك ياساس الوفا=مخلصٍ لو دوني الناس صكت بابها
شاعرك لو يوصفك في قصيده ماكفا=لين جزلات القصايد تعـوج ارقابهـا
من جميع الخلق قلبي لغيرك ماصفـا=لو حدا الخفرات تبدي له مْن اعجابها
كيف لو صار الحكي من عواذل بالقفا=هرجةٍ يأغلا البشر ماحسبت حسابها