الشاعر :أحمد النويعم
سر ياقلم وكتب من الهاجـس انتـاج=ابيـات شعـرن ماتعكـر مـزاجـي
ابدع مـن الابيـات مامنـه تحتـاج=واترك اهزال الشعر لاهـل الحراجـي
ارسل على اهل الطيب مشعلت الاسراج=الـي تقلـط مـن سمـان النعاجـي
الي بيارقهـم رقـت فـوق الابـراج=اهـل الكـرم لامنـه الدهـر عاجـي
ثن السلام لصاحـب العـرف هـداج=الي اليامـن ضقـت عنـده علاجـي
(قله ترا صاحبك في وضعه احـراج)=بـان الشقـا والهـم بالفكـر داجـي
بسبـاب منهـو بالحشـا حبهـم لاج=الي ضلوعـي بالهـوا لـه سياجـي
غرون يشـادي البـدر والخـد لعـاج=مـن حبهـم ياخـوك مانـي بناجـي
سيد المها بالوصف يمشـي بتغنـاج=اقفا وانـا بالوصـل لازلـت راجـي
من بعد صده صابنـي هـم وزعـاج=وضيقي وحزني بين الاضـلاع لاجـي
حبه ضرب بالقلب ضربـات الامـواج=من سبته قلبـي مـن الهـم هاجـي
اسهر طـوال الليـل والقلـب لجـاج=لجـت خلوجـن حنتـه بنزعـاجـي
هاض الضمير وسقتلك منـه اخـراج=ابيـات شعـرن جبتهـا بندمـاجـي
أحمد الدواي
من هاجسٍ حضّر من الجزله افواج=والشعر ساكن به ولاهـوب لاجـي
ما حال من دوني ومن دونه سيـاج=انقـى الفرايـد والجزيلـه نتاجـي
لا هاض بي فكري وبحر الشعر هاج=العـذب مايخلـط بملـحٍ اجـاجـي
شاعر ولي في قمة الشعـر منهـاج=آآرد غدير الماء ولا أرْد الهماجـي
اصوغ بيتٍ معتلـي راسـه التـاج=ماقد كتبت البيـت فيـه انعواجـي
ثم اثني اللي مايجي منّـه ازعـاج=ترحيب مثل المزن عقب العجاجـي
للصاحب اللي في دروب الهوى داج=إليـن ماصـاب الغـرام ارتجاجـي
ذيبٍ عوى وبصدره اليـوم وهّـاج=وهـاج نيـرانٍ تذيـب الزجاجـي
يشكي من الفرقا ولا عيّـن افـراج=يبغى الوصل والحال فيه انزعاجـي
لا والذي تسعى له النـاس حجّـاج=أخير مـن تلجـى إليـه وتناجـي
ما فالهوى ياصاحبي فلّـة حجـاج=عارف دروب العشق واعرف خراجي
ماني لطرد العشق ياصاح محتـاج=زال الحـزن عقبـه وزاد ابتهاجـي
قفّلت باب الحـب واحكمـت الازلاج=واعلنت عن درب الغرام احتجاجـي