ليه الجفا ليه الهجر وين الوفا ليـه الغيـاب.؟=وين الصبر ( زاح الصبر ) من ضيقتي غنيتهـا
وين انت يامتعب خفوقٍ ملّ من كثر العتـاب=يصيح [ وينك ] بحّ صوته ليت بس أوحيتها
قلّي بعد فرقاك وش ودّا غرامك ويش جاب.؟=ودّا ليالي فرحتي لـك وانـت مـا رديتهـا
كثير عندي اسئله , ولا لقيت إلها جـواب.!=للوقت خلّيت أسألَت عمـري ولا حلّيتهـا
ليه انتظر من غاب ليه وليه تفتح ألف بـاب=من هذي اللّحظه جميـع ابوابهـا صكيتهـا
خلّ الجروح الداميه مازدتها غيـر إللتهـاب=ماعاد ينفعهـا دوا , حتّيـش لـو داويتهـا
رح والزمن يكفل لك التعليم وتعَرف الصواب=تجارب الدنيـا , تذَكَّرنـي بهـا لا جيتهـا
ماعاد باقيلك سوا ذكرى مثل حفنـة تـراب=أدنات ريح تْمرّها , طـارت ولـوّ ذرّيتهـا
محبتك يومك معي كانت على حد السحـاب=واليوم تحت اقدام رجلـي بالثـرى وطّيتهـا
بعيش بالواقع ولاني هايـم بطـرد السـراب=لـالنّفس طاقه لو كتمت هْمومهـا ظريتهـا
ليه الجفا ماهمّني ويـن الوفـا قفّـى وغـاب=وين الصبر ( زاح الصبر ) غنيتهـا وانهيتهـا