السلام عليكم ورحمه الله وبركاته
الزعل مرفوض ياظبي العدام=هكذا شرع الأحبه ياحبيب
ربما تجهل سلوك أهل الغرام=جاهلن بالدرس والمنهج صعيب
خل عنك الغيض ياكل المرام=الزعل مشوار للعاشق تعيب
اذكر ايام البدايه ياسلام=يوم شمس الوصل ماعنا تغيب
كنت انا وياك يابدر التمام=نرسم الأحلام والجو الرهيب
وافين بعهدنا حسب النظام=للعواذل لا سميع ولا مجيب
وأستدار الوقت واعلنت الخصام=كيف ذاك العهد تنقض ياعجيب
الزمن دوار والعبره امام=كل منا فى حياته له نصيب
كان تنوي للعلاقه بالهدام=ماحسبت حساب هجرك لو تغيب
راجع الأفكار ياحلو القوام=وأحتسب قدام وش هجرك يجيب
مايجيب الأ التعاسه والندام=وانت تفهم مقصدي وأنت اللبيب
تطفي الأنوار والعالم تنام=لكن الملتاع نومه مايطيب
شعر./ فهد محمد الميع