السلام عليكم ورحمه الله وبركاته
البدع / فهد محمد الميع
سلام ياشاعر الوادي=من قلب صادق بتعبيره
ازكى تحيه من الكادي=والطيب فاحت نواويره
لا والله إلأ ماهو عادي=اللي سواتك بتصويره
شيد بيوته بالأعمادي=وأستنتج القاف تفكيره
نيل المعالي بها جادي=عند العرب شاع تقديره
قرمٍ على الطيب معتادي=ياقل مثلك بهالديره
جيتك من البعد نشادي=والنفس تلعبها الحيره
عامين صابر ولا فادي=كيف العمل ويش تدبيره
يومين ماذقت انا زادي=والحب ياقو تخديره
شفي مرامي عن بلادي=روح ولاعاد له سيره
مليت انا العيش وقعادي=بشد وأرحل عن الديره
والختم يانسل الأسيادي=ياطيب العرف والسيره
أزكى تحيه من الكادي=من شاعرٍ تم تعبيره
[COLOR="Blue"]
جواب الشاعر / علي محمد القحطاني[/COLOR
يامرحبا ماشدى الشادي=والغاب غنت عصافيره
ماهاض برقٍ ورعادي=والمزن هلت شخاتيره
لك يافهد فكر وقادي=والبيت تضبط معاييره
حييت يانسل الأجوادي=ياشاكي الهم والحيره
يابن اللميع الهوى هادي=لاتشعل النار فى كيره
لو حرته وسط الأكبادي=خلك من احدى مشاهيره
مافيه مخلوق مانصادي=شكى عذابه وتعزيره
سجلت هجرى وميلادي=حبٍ طويله مشاويره
نحرم الحب وانعادي=وكل حلفه بتكفيره
خلك على الهجر معتادي=لا تحرق القلب بالغيره
اقهر عواذل وحسادي=واصبر ولله تدبيره
وانا سند لك وسدادي=كلام نوفي بتفسيره
خلك على طبع الأجدادي=أكتم غرامك وتأثيره