سر ياقلم واكتب عن اللي نويته=ابيات من غبَة بحر هاتهـا لـي
انا لقيت العود في وسـط بيتـه=تال الزمن من ماجراله شكالـي
يبكي وينثر دمعتـه واحتميتـه=قلت انت وشبك قال ذالك وذالي
قلت اعرفك واللي شكيته شكيته=قال العرب تضرب على كل جالي
هذا شراني مثل شريـة جكيتـه=ولانيب لاماله ولاهـوب مالـي
وهذا بلانـي بالفعـل مابليتـه=وهذا يقول العود من ورث خالي
وانا بري منهم علـى ماهقيتـه=ماني بسيط وسهل بأول وتالـي
يفنابي الطيـب وانـا مافنيتـه=ابقى على طول الدهر والليالـي
قلت انت بيتك بالعـلا لابنيتـه=عندي مايبنا فوق جـالٍ هيالـي
قال اعرفك حقك معـك لدعيتـه=اكرمتني مامنك شـيءٍ غدالـي
قمت اتسمح منه من يوم جيتـه=ولانيب ناسي كلمتن قالها لـي
يقول بعض احياء المخاليق ميته=وفهمتها لاشك ماضـاق بالـي