لامتى معك باقي ماتبين غلاك =وانت تدري ولاكن كن مالك ضمير
والغلا كان مايدخل بداخل حشاك = صار حبله على ماقيل حبلن قصير
وكان خوفك على ماقلت عني حداك= دون مايسهرك بالليل عنه استخير
تحسب اني مصدق منطقك من شفاك = المجامل معي والا معك مايصير
والصراحة مريحة كان ربي هداك= مير عيا فلكها معك لايستدير
وكان قصدك تبي تلعب علي في هواك = روح دور بدالي من كبير وصغير
والله انك لتلقا كثر اصابع يداك = معك وقف قدم رجلي وعيا يسير
واجد اللي تلاقينه على مستواك= بين ضحكة صناعية وقلبن شرير .