يـقــول الـعـازمــي مــبــدا كــلامــه=دروب الطيـب تصعـب للرخـامـه
عـــدو الـطـيـب مــعــدوم الــمــروه=ولا يفرق حلالـه .. مـن حرامـه
يعيـش العـمـر كـلـه شـبـه فـانـي=ذليـل العيـش مـن دون الكـرامـه
ولا لـــه غـيــر فـــي قـيــلٍ وقـايــل=عـلـيـه تـصــح يـاعـمـر الـنـدامــه
هــذاك الـلــي مخالـفـنـي بطـبـعـه=وطبعي عكس طبعه في نظامـه
احب الطيب واسعاله واجيله..!=واقــدر صاحـبـي واحـفـظ مقـامـه
ولامـن شـفـت زلات الرفـاقـه...!=اطوفـهـا مـــن ابـــواب الشـهـامـه
وعـز النفـس عنـدي راس مـالـي=لبسـت مـن الكرامـه ثـوب خامـه
اخـذت العلـم مـن دنيـا التجـارب=حفظتـه حفظـي لصـوت الأقامـه
اصـلــي فــــرض ربــــي وأتـسـنــن=ومــؤمـــن بـالـنـهـايـه والـقـيــامــه
عسـى رب السمـا يقبـل دعـائـي=يـــزودنــــي بــتــقـــواه الــفــهــامــه
شعر./ فهد محمد الميع