هو يحسب اني يوم قفى بناديه=والله ليبطي عزة النفس تسواه
دامه نقض عهدي وغير مماشيه=لاعاد يرجي جيتي والملاقاه
ان كان ماهزه ضميره لماضيه=والله فلا حرك شعوري بفرقاه
لابد دورات الليالي تصحيه=ويذكر ليالي ماضيه عشت وياه
عزمت اعز النفس عنه واخليه=وانسى جميع اللي قضيناه وامحاه
خلاص نفسي عافت اليوم طاريه=خلوه ينساني وانا ناوي انساه
شعر./ فهد محمد الميع
التوقيع - فهد محمد الميع
ماعاد شفته ولا المجمول عني نشد=والعشرة اللي قضيناها أنتها دورها