خليتني عقب ارتياحي وسلواي=أنوح واسهر والمخاليق هجاع
انت السبب سقمي فلا تبخل دواي=تنوي عذابي ليه .. يازين الأطباع
في غيبتك خليتني تايه الراي=ظلمت قلبن فيك يازين ماطاع
لاتفرح العذال .. تشمت بي عداي=ياغايتي والعذل من طاوعه ضاع
العام تغليني .. وتبحث عن رضاي=واليوم قلبك كيف ذاك الغلا باع ...!
خابت بك الهقوة وخيبت رجواي=يوم اتضح لي زيف حبك ياخداع
مصيرك ليا حل فالبال ذكراي=تندم على ماضي هوانا وتلتاع
بكره تبي تسمع من الناس طرياي..!=وتقول ويلي يازمانن لنا ضاع
شعر./ فهد محمد الميع