تعالي كان في قلبج مكانه=لمن حبج وخصج في المحبه
يقول الصج كله من لسانه=ويحلف يالحبيبه لج بربه
ثقيل(ن) مع هل الثقل وتكانه=وعندج حط نفسه بالمسبه
لياشافج يبصم في بنانه=ويسبح من غلاج بوسط غبه
شكى من حر مابه يافلانه=يعرف انج دواه وكل طبه
لاكن ماشاف منج الا الاهانه=وحرمان الوصل هبت مهبه
تعذب في حياته معج امانه=لعنها من حياه ومن محبه
تقول اعذار واسباب وحصانه=وعرفج ماعلى دربج مطبه
تعذب منج (مجبـل) في زمانه=ينبهج ابغلاج ولا تنبه
ومن زود الغلا بين حنانه=بعز القيض ماتدفيه جبه