السلام عليكم ورحمه الله وبركاته
رعا الله ربيع .(العـام). ياساكـن الفنطـاس=وهدى الله .(صدوف). الوقت غدره وطياتـه
زمانن مضـى ويـاك يابو.(عيـون). نعـاس=يـوم الهـوى و.(الحـب). ذقنـا ملـذاتـه
أعيد النظر فـي مامضـى والهـوى نسنـاس=وأخفـف عنـى قلبـي وحزنـه وضيقـاتـه
عليـك الله اكبـر يازمـان الشقـى واليـاس=رمانـي علـى مابـي وعـجـل بميـلاتـه
انا عقبكـم مانـي مريحـن كمـى هالنـاس=وسيع الفضـى .(ضاقـت). عليـا مساحاتـه
صبرنـا كثيـر ولاكسبنـا سـوى الهوجـاس=رمانـا زمانـا فــي بـحـوره وغبـاتـه
على كـل ماشفنـا وذقنـا مـن الأتعـاس.!=نقـول الوفـا باقـي وبالمسـتـوى ذاتــه
الأيام .(تبعدنا). ويبقـى .(الوفـا). نبـراس=بـروح العليـل اللـي فقـد كـل قـواتـه
على مركب .(الذكرى). سرينا بصدق أحساس=نسلـم علـى .(ماضـي). هوانـا وفرحاتـه
رعا الله زمان .(العشق). ياساكـن الفنطـاس=وهدى الله صدوف .(الوقت). غدره وطياتـه
شعر./ فهد محمد الميع