السلام عليكم ورحمه الله وبركاته
.(( فهد محمد الميع ))
أنا يالعتيبي يوم ليل الشقى بـي طـال=شكيت الهوى والحب للـي يعرفونـه
اسند عليك القاف واشكي عليك الحال=طريق الهوى حيث انت دارس بقانونه
طريح الهوى وش حل حاله اذاه انحال=صريع الجفا مخطور من يشفي اطعونه
سبب علتي منهو سكن خافقي واحتال=أبيع الملا والخلق والروح من دونـه
يغيب الغضي ويروح شهر وسنه وليال=يطول الجفا وأقول عشرته مصيونـه
على كل ماشفته وذقت العذاب أشكـال=أبقولهـا بـأعـلان والله ماخـونـه
كتبت القوافي يوم ليل الشقا بي مـال=وجاتك من الأعماق والروح مرهونـه
حسب ماترى وش حل حالي اذاه انحال=صريع الجفـا مخطور مـن يشفـي اطعونـه
جواب .(( مسفر العتيبى ))
تهيض ابن روق العتيبي وغنى أمثـال=على شاكين يشكي من الحـب مكنونـه
ورد العتيبـي يـوم رد العتيبـي قـال=على ابن الميع اللي شكى حب مضنونه
تحمل لها مثل الجمل والحمـول أثقـال=ولأني أبذاخـر لخـوي مـدة العونـه
ألا ياهلابك عـد وبـالٍ سـرى همـال=يخيله من البـدوان نـاسٍ ابيرعونـه
ترادم سحابـه وأنطلـق كنـه الشـلال=وتصبح عقب وبله مراهيـشٍ امزونـه
بدعت البيوت الوافيه يافهـد واجـزال=وشكيت الهوى والحب غنيت بلحونـه
وأنته من الشعار في الشعر ألك منـزال=تنظم أبيوت الشعـر بلحـان مجنونـه
شكيت الهوى البلوى شكيت الهوى القتال=تشكي عذابه وأكثـر النـاس يشكونـه
ولأني إبلايم من جراله عنـا وغربـال=ولا لوم راع الحب مع اللـي يلومونـه
تريح عسى الله يجمع الشمـل يارجـال=وضعونكـم تلتـم وتبـاري اضعونـه
وأنته صبرت أشهور وأصبر إلى شوال=صم ارمضان وعقبـه الزيـن تلقونـه
والعيد مقبـل والفـرح هل لـك بهـلال=واللي غدتبك ياعسى تكـون مضمونـه
وتفرح بها وتصيـر للمهـره الخيـال=وترقد اعيونك كـل ماشافـت اعيونـه
لا شفتها ترتاح والهـم عنـك انـزال=والحـب بأنـواع السعـاده تعيشونـه