السلام عليكم ورحمه الله وبركاته
مرثيه بالمغفور له بأذن الله تعالى .../ المرحوم محمد حزام فالح الميع
الأ يالله يامنشي الخيالي=عظيم الشان يامرسي الجبالي
إيلاهن فوق عرشه مايشافي=عليم الغيب وأسرار الليالي
تروف بحال عبدك يوم يشكي=همومٍِ بالحشى عرض وطوالي
تنوم الناس وعيوني سهارا=على فقد العزيز اللي طرالي
عساي اسير من عقبه مساره=دروب الطيب وعلوم الرجالي
الأ يالله تغفر كل ذنبه=وبأمرك يسكن إجنانٍِ عوالي
تعوض دنيته جنه وترحم=تبدل سيته حسنه ياوالي
توسع له على قبره بعطفك=ويسقي قبره الماي الزلالي
يطول الليل لامنه طرالي=واعيد الذاكره فيما مضالي
صحيح الموت مكتوبٍِ علينا=وكل أنسان يأتيه الزوالي
خلقنا الله للدنيا مؤقت=لذا فالموت ماعنه محالي
يقوله من شكى همه وفضفض=على ذكر الولي بختم مقالي
ألأ يالله تحسن خاتمتنا=وتلهمنا الصبر ياذا الجلالي
شعر./ فهد محمد الميع