جمعه وجلسه تشرح القلب واصحاب=
وطير السوالف والنقاشات حايم
أصحاب مافيهم بعيدين واغراب=
وماهي صداقة عاشقين الولايم
تجمعوا حولي عقب فترة غياب=
بس امطروني بالعتب والتهايم
احد(ن) يقول لغيبتك عطني اسباب=
واحد(ن) يقول اترك غثا كل لايم
الله يالجمعه لها سحر جذاب=
رشفة سوالف وانعشت ريق صايم
أهز غصن البال ضحكه وترحاب=
وتطير بالقلب الرحيب الحمايم
وكأن نشوة خافقي بعد ماطاب=
تشبه لنشوة طير والجو غايم
خلاص بطوي صفحتي وافتح كتاب=
للضحك لازهار الفرح للنسايم
وابهدي الحظ الردي جملة اعجاب=
(( من طول الغيبات جاب الغنايم ))
وفي عز ماكان الحكي بوح واسهاب=
والكل منا بالسواليف هايم
أحس فيني للزمن لوم وعتاب=
وينتابني حزن(ن) بالأضلاع نايم
وسؤال يقتل فرحتي بين الاحباب=
ليه الفرح لحظات والحزن دايم !