للوصل يبرقلي أمل ,, صحالي أسبـات الغـرام =
من بعد خطه ما وصـل وأرسـل لنـا حمامتـه
توه درى بـأن النـدم بالعشـق دمعـه وأنقسـام =
وان ابتعـاده لـو كبـر ,, تكبـر معـه ندامتـه
طير هوانا للشقـا ,, وأجـواء عذالـي عسـام =
وعلى مدرج ما نوى بالعشـق ,, تهبـط هامتـه
ليت الحصان اللي ركض للموت في حرب الملام =
ماعاش صدماته عقب فعـل(ن) يشـرف قامتـه
بايام وسنين الوغا ضربـت فـي حـد الحسـام =
اذبح قلوب(ن) لامته وأدحـر نفـوس(ن) لامتـه
يدفا على نار احطبي واحميه مـن بـرد الكـلام =
وارتـاح لامنـه غفـا رغـم الريـاح الشامتـه
يشرب فرح من دمعتي ويعيـش لـذات المـرام =
وروحي ضمت في يومها واليوم الاخر صامتـه
كم بعت راحة مرقدي لجلـه وخاويـت الظـلام =
وشريت باسبابه سهـر والنـوم عينـي سامتـه
معنى الحياة بنظرته ضحكـه ولعبـه وانسجـام =
واكثر سؤال يفرحه من ويـن شـاري خامتـه ؟
كان يتوسـد لعبتـه وينـام فـي ريـش النعـام =
وتمسي دقايق موعدي أرشيـف فـي رزنامتـه
شفته ركب يخت الكبر وأبحر وخالـف للنظـام =
حتى وصـل دار الجفـا والظلـم عينـه نامتـه
عاش بحياته مغترب واحتار مـن كثـر الزحـام =
والحيـن جابـه مالقـى ماجابـتـه شهامـتـه
ماقصدي غربة ناظـري تلويـح رغبـه وانتقـام =
وماقول يوم انـه رجـع يقسـي علـى كرامتـه
ولاردني كود الغلا والعطـف واطبـاع الكـرام =
وسيل(ن) على خده نزل وأسقى ضواحي شامتـه
يامرحبابه عـد شعـري ماصحـا فينـي ونـام =
وعد القصيد اللي سرى ,, وامرح على وسامتـه
رحبت به مثل الفرح مثل الامـل مثـل السـلام =
في شعـب حربـه طولـت وده علـى سلامتـه
لو ما صحا من غفوته والا على الدنيـا السـلام =
والله ليقعـد بالنـدم ,, وتقـوم فـيـه اقيامـتـه
عادت حمامة وصلنا للشـوق واعشـاش الهيـام =
واستعذبـت هديلهـا ذيـك الجـروح الصامتـه
دام الهوى عندي رجل ملزوم اخصـه باحتـرام =
مانتركـه لأنــه وســم بقلوبـنـا علامـتـه
الطيب يبقـى مافنـا والطعـن بالميـت حـرام =
وان قال معروفي سلف ,, قولوا نبـي سلامتـه