حنكة اهياط .. وسقتها واجدت تمرير السـؤال = ولا جبتهـا علانيـه لا شـك قصـدك جابهـا
لو كنت ابجرح خاطرك بعلوم وافعـال ومثـال = كان الجروح المزمنـه تكتـب عليـك كتابهـا
الخبل ماينفـع معـه كثـر القناعـه والجـدال = لا جيت تقفـل بابهـا جـاك وفتحلـك بابهـا
مررت سيل الاسئله وانا ادري انه مـن خـلال = ضحكه .. ميانه .. غشمره مانى بعد اسبابهـا
من لا يثمن كلمته مالـه مـع القيمـه مجـال = والناس ماتفـرق سـوى باخلاقهـا وادابهـا
ودام انصدمت بوقفتي وتشوفنـي قـد النـزال = جبت القصيده غاضبـه وابيـك تفهـم مابهـا
هايط على كيفك علي واسبح بحور(ن) من خيال = واياك تقرب لابتـي دامـك جهلـت اشنابهـا
ربعي مراقيب الفخر والجود وخصـال الرجـال = وافعالهـم بالمعمعـه لا كـشـرت بأنيابـهـا
اصغرهم اللى لا فزع يجـي شبيهـن للجبـال = ويقيس صحرا المعضله بسهولهـا وهضابهـا
للجار ظـل وللكـرم ماحسبـو قرشيـن مـال = وخويهم بحسابهم مـن ضيقـة(ن) يشقابهـا
ماجبتها فكرة شعر او هي من احساب الخيـال = والرجل عيب(ن) كلمته لو مايحسب احسابهـا