شف كيف صارت وشفتك في هـذاك الطريـق = هذا انت .. واللـي لمستـه شـي واحـد فـرق
نضـارة الوجـه غابـت يالنظـيـر الرقـيـق = مستحـوذ الـيـاس وجـهـك .. والبقـيـه أرق
تضحك.. وانا ادري ورى هالضحك مليون ضيق = وأقول دمعـك نـزل.. وتقـول هـذا عـرق ؟؟
وين العـرق والنسيـم العـذب حولـك طليـق = ونظـرات عينـك علـى البـراق لامـن بـرق
شفنـي بعـد غيبتـك واجهـت ميـة عشيـق = فيهـم تشابـه مـن اطبـاعـك ويمـكـن أرق
أجدرهم انسـان يخلـص لـي واحطـه رفيـق = أستلطفـه.. واشعـر انـه بالحـشـا مـامـرق
القلـب بيـت(ن) لغيـرك للأسـف مايلـيـق = مهجـور مايسمـع الطـارق لـو انـه طــرق
وش يعنـي الـورد والوانـه.. بليـا رحـيـق = وش يرمز البحر وامواجه.. لشخـص(ن) غـرق
شاعـرك يالحـب الاول مـن تركتـه غريـق = لاجابو الناس حرف(ن) من احروفـك شـرق !!
شاعرك نفسـك نضـارة شعـره ابـلا بريـق = يبـدا بحـزن القصايـد مـن قصـاصـة ورق